Միջազգային Հասարակութեան Ուղղուած Եկեղեցւոյ Կոչը` Վերջ Դնելու Ինտոնեզիայի Հարստահարումը
Բաբուազիայի Դէմ։
''Բաբուազիան դարձած է հարստահարումի երկիր, հաւաքական զարհուրանքի վայր, ուր կ'իշխէ
վախը եւ արիւնը'', յայտնած է, Ճակարդայի մէջ մամուլին հետ ունեցած իր ելոյթի ընթացքին,
Բեննի Ճիայ վերապատուելին որ է նախագահը Բաբուազի եկեղեցիներու խորհուրդին։ Ան կոչ ըրած
է միջազգային հասարակութեան որ դադրեցնել տայ հարստահարումը ու բռնութիւնները Բաբուազիայի
ժողովուրդին դէմ։
Իսկ Ս. Աթոռը խստիւ դատապարտած է Քենիայի քրիստոնեաներու դէմ
գործադրուած արիւնալի արարքը` որակելով զայն որպէս ''անորակելի վատութիւն'' ։ Ցաւով
կ'իմանանք որ ամէն կիրակի օր, պատարագի ընթացքին, մահափորձեր կը կատարուին քրիստոնեայ
հաւատացեալներու դէմ, ըլլայ Քենիա ըլլայ Նիճերիոյ մէջ, յայտարարած է Վատիկանի մամլոյ
գրասենեակի տնօրէնը ու ընգծած` թէ նման տմարդի արարքներ` դժբախտաբար սովորական դարձած
են եւ ահաբեկիչներու կողմէ դիտուած որպէս ազդու միջոց մը ատելութեան ու վախի ծաւալումին
համար։Քենիայի քրիստոնեաներու դէմ կատարուած մահափորձը զարհուրելի եղելութիւն մըն է
ու խիստ մտահոգիչ - ըսած է Ան։